At ein kunne bli så sjuk av kyssesjuka hadde eg eigentleg ikkje tenkt meg,
At ein måtte ta det med ro i lang tid framover og ikkje anstrenge seg fysisk var kjent.
www.lommelegen.no
Denne påska har vi blitt ei erfaring rikare.
Ei av prinsessene våra har hangla siste tida, vore trøytt og slapp.
Lite matlyst og livet har ikkje vore slett så lyst. Forferdeleg hovudverk har ho hatt.
"Få i deg vitaminar" har vi masa. "Legg deg tidlegare, meir søvn!"
....masa har vi gjort dagen lang på stakkars pia vår.
www.kerringrad.com
Siste dagane før påske var jenta så slapp og elendig at vi fann det best å kontakte legen.
Han gjorde alle undersøkingar,
men ingen funn. Gav henne ein særdeles breispektra antibiotika-kur,
uten resultat det også. Ein "heste-kur" som legen kalla det. :)
Jenta vart berre dårlegare. Faktisk så dårleg at vi var oppe fleire gongar om natta for å sjå til henne.
Nye runder til legen, ho tok denne gongen ein test på kyssesjuke som var svært så positiv.
Heile veka har jenta lagt rett ut og ikkje fått i seg anna mat enn det som er rennande.
Mot hovudverken hadde ho teke Paracet, sidan 90 % med kyssesjuke har ein mild leverbetnnelse,
skal ein ikkje ta Paracet.
Enda ein ny lærdom....ups! Trur vi held oss til Ibux her i huset i ettertid!
Dagane gjekk, men på onsdag bar det i veg til legevakta igjen.
No var jenta så slapp at vi vart reint bekymra,
halsen var hoven, nakken verka og ho hadde vondt i venstre sida.
Fekk ny antibiotika sidan legen trudde ho hadde ein halsbetennelse i tillegg.
I dag er ho litt betre og greier å smake litt på påskesnopet. JIPPI!!!!!!
www.apotek1.no
Så får ho ta det med ro dei neste månadene,
ikkje vere fysisk aktiv og berre take vare på seg sjølv!
Vi har lest til auget er stort og vått om denne sjukdomen og ser at fleire har vore plaga med
sviktande immunforsvar, trøytte, svimmel og slappe i lang tid.
Vi kryssar fingrane for at jenta vår kjem seg raskt på beina att,
glade var vi for at det "berre"var kyssesjuka som plaga henne,
ein gjer seg så mange tankar når ein har ansvar for born!
Og ekstra bekymra blir ein når ein ser at det kjæraste du har , har det så vondt!
